Мамлакатимизда юксак маънавиятли, мустақил ва эркин фикрлайдиган, ёт ғоя ва таъсирларга қарши мустаҳкам иммунитетга эга, ҳар томонлама соғлом ва баркамол авлодни вояга етказишга давлат сиёсатининг устувор йўналиши сифатида эътибор қаратилмоқда. Ана шундай эзгу ишларни амалга ошириш мақсадида 25 июн куни катта фаоллар залида проректорлар, деканлар, декан ўринбосарлари, бўлим бошлиқлари, “Камолот” ЁИҲнинг бошланғич ташкилоти етакчи ва фаолларига; 26 июн куни видеоконференция залида академ гуруҳлар талабаларига “Зиё” студияси томонидан тайёрланган “Залолатни юклаб олма” фильми намойиш этилди.
Ушбу фильмда бугунги кунда динни байроқ қилиб олган экстремистик ҳаракатлар томонидан интернет орқали тарқатилаётган бузғунчи ғояларнинг моҳияти, уларнинг асосий мақсади, халқимиз, хусусан, ёшларимизни бундай таҳдидлардан ҳимоя қилишнинг устувор вазифаларига алоҳида урғу берилганлиги тарғиб қилинди. Жами 1500 нафардан ортиқ профессор-ўқитувчи ва талабалар ушбу фильмни тамоша қилдилар.